Cousas do cole
practicamos o uso do bloge

O 11 de abril poidemos disfrutar dunha sesión de títeres titulada " O sapo encantado", a cargo da compañía Tres Globos.

O venres 4 de abril,dedicámonos a repoboar o noso xardín coas seguintes especies:
pradairos, bidueiros e un carballo. Colaboramos todos cavando,plantando e regando.
Esperamos que medren moito e nos den boa sombra.

O pasado venres 4 de abril , as nenas e nenos do 3º Ciclo participamos nunha actividade organizada pola Comunidade de Montes veciñais en Man Común de San Xoán de Baión .O motivo era celebrar o do Día Internacional da Árbore , que foi o oficialmente o 21 de marzo.

Saímos do cole e fixemos unha marcha a pé pasando polo monte do Castro ata chegar ao lugar de Montecelo. Alí despois de escoitar unhas breves explicacións , cada un de nós plantou un carballo.

Logo da camiñata e da plantación repuxemos forzas cunha saborosa merenda , que agradecemos á Comunidade de Montes.

Foi unha xornada ao aire libre na que disfrutamos da beleza da nosa paisaxe.

Os alumn@s que o curso pasado estaban en 4º de Primaria , participaron baixo a coordinación da mestra Belén Junquera no programa eTwwinning. O seu proxecto era "Kids hands in hands" e nel tamén participaban outros sete centros europeos.
Recibimos con moita emoción a noticia de que o noso Centro estaba entre os finalistas na súa categoría.
A prensa tamén se interesou por esta nova que saiu publicada na Voz de Galicia e no Faro de Vigo. Tivo repercusión na tele , cunha pequena reportaxe emitida en Tele Salnés onde entrevistaron tanto aos nen@s participantes como á mestra responsable do traballo.
Ao Centro chegaron felicitacións de diferentes organismos.
A entrega de premios tivo lugar en Bucarest (Rumanía)durante a Conferencia anual eTwinning do 14 ao 16 de marzo.Entre os asistentes estivo Belén Junquera.
Aínda que primeiro premio foi parar a outras mans , para os nen@s de Sestelo-Baión o feito de quedar de segundos na súa categoría xa foi toda unha vitoria.
Parabens para todos eles!

Poden ver máis información en:
http://www.sip.be/sTAManD/feelings/kidshandinhand.htm(información e imaxes sobre o proxecto "Kids hand in hand")

http://etwinning.cnice.mec.es/noticias/index.php?4&0 (información na web eTwinning sobre os premios)

Ámbalas dúas páxinas web atoparalas no apartado de Ligazóns deste blogue.

Entre todolos nomes propostos pol@s nen@s da escola resultou gañador o nome de RONI.
A nosa mascota é RONI

A ONU proclamou o 2008 Ano Internacional dos Idiomas.

A Asemblea Xeral das Nacións Unidas recoñeceu a importancia de protexer as distintas linguas, o que equivale a protexer as culturas e promovelas.

No mundo fálanse actualmente unhas 6.500 linguas.

Manter a diversidade das linguas é unha maneira de garantir a diversidade das culturas.

O galego goza de vitalidade. Os galegos temos futuro e a lingua vai connosco.

Máis información no cadro de Ligazóns

Este ano na entrada principal do cole instalouse un esqueleto  durante a semana do entroido .Este individuo e mediante un carteliño, mandounos  vir á escola cada día cunha cousa diferente . Todos participamos.              O venres cada quen disfrazouse como quixo e grazas á colaboración das nais e pais que mandaron filloas, orellas e outras larpeiradas fixemos unha pequena merendola

O 30 de xaneiro conmemoramos o día da Paz;todos xuntos cantamos e aplaudimos a representación dos nen@s do 1º ciclo "Por qué estás triste"